22.10.2022 г. вучні 8 "Б" класа разам з класным кіраўніком Петравец Аленай Рыгораўнай наведалі Давыд-Гарадоцкую гарадскую бібліятэку, дзе прынялі ўдзел у літаратурна-інтэлектуальным турніры “Янка Купала і Якуб Колас – беларускія песняры”. Удзельнікі падзяліліся на дзве каманды: “Каласкі” і “Купалаўцы”.
Вучняў чакалі інтэлектуальныя гульні, рэбусы, шыфры, віктарыны, тэсты, крыжаванкі і шмат іншага. Каб камандам было лягчэй выконваць заданні, бібліятэкары “правялі” прысутных па жыццёвых і творчых сцежках класікаў. Дапаўненнем да мерапрыемства стала кніжна-ілюстратыўная выстава “На кожнай сцяжынцы іх песня і голас”, дзе прадстаўлена літаратура аб жыцці і творчасці пісьменнікаў, якой карысталіся каманды пры выпаўненні заданняў.
Тэматычнае мерапрыемства, прысвечанае юбілею песняроў, дазволіла пашырыць літаратурны кругагляд навучэнцаў, а таксама выхаваць пачуццё павагі да класікаў беларускай літаратуры і любові да роднай мовы.
